यवतमाळ , दि. १७ – तेलंगणांसिमेवरील पिंपळखूटी येथे आज बुधवारी सायंकाळी येथील स्थानिक गुन्हे शाखेच्या पथकाने मटका अड्डयावर धाड टाकली. यावेळी चार आरोपींना अटक केली असून चार लाख २९ हजार रुपयाचा माल जप्त केला.
अशोक राय, शुभम राय रा. पांढरकवडा, शंकर बावणे रा. पिंपळखुटी, विजय विकास गेडाम रा. पांढरकवडा यांना अटक केली. तेलंगणासिमेवरील पिंपळखुटी येथे राजरोसपणे मटका सुरू आहे. या ठिकाणी आंध्रासह जिल्ह्यातील मटका शौकीन जुगार खेळण्यासाठी येत असून लाखो रुपयाची उलाढाल होते. दरम्यान आज मंगळवारी सायंकाळी यवतमाळ येथील स्थानिक गुन्हे शाखा पथकाने पिंपळखुटी मटका अड्ड्यावर धाड टाकली. यावेळी सदर चार आरोपींना अटक करून त्याच्याकडून चार लाख २९ हजार रुपये जप्त केले. ही कार्यवाही पथकाचे प्रमुख संजय पुजलवार यांच्या मार्गदर्शनाखाली सहाय्यक पोलीस निरीक्षक चंद्रशेखर कडू, सुनील खंडागळे, रुपेश पाली, ऋषी ठाकुर, प्रदिप नाईकवाडे, वासु साठवणे, अमोल चौधरी, अनिल चव्हाण, चालक प्रदिप तांबेकर यांनी केली.