यवतमाळ, दि. २ – पिजंनालयाला आग लागल्याची घटना आज गुरुवारी दुपारी एक वाजताच्या सुमारास सुरजनगरात घडल्याने नगरवासींयाची पळापळ झाली. या आगीत पाच लाख रुपयांच्या रुई व कापसाचे नुकसान झाले असून, शॉटसर्कीटमुळे आग लागल्याचा अंदाज व्यक्त करण्यात आला आहे.
गोधणीरोडवर असलेल्या विदर्भ हाऊसिंग सोसायटीला लागूनच सुरजनगर आहे. या नगरात तरुण शर्मा यांचे पिजंनालय आहे. सकाळी पिजंनालयात व्यवस्थित काम सुरू झाले. दुपारी एक च्या सुमारास अचानक पिजंनालयासमोर असलेल्या रुई व कापसाच्या गंजीतून धुर निघण्यास सुरूवात झाली. त्यानंतर गंजीने पेट घेतल्यानंतर पळापळ सुरू झाली. आगीचे रुप पाहून वास्तव्यास असलेल्या नागरिकांनी अग्नीशमन दलाला माहिती दिली. आग आटोक्यात आणण्यासाठी एक बंब पाण्याचा मारा करण्यात आला. यामध्ये पाच क्विंटल रुई व कापूस असा दहा क्विंटल माल जळून खाक झाला आहे. त्याची किं मत साडेपाच लाख रुपयांच्या घरात असून, याबाबत वडगावरोड पोलीस स्टेशनला तक्रार देण्यात आली. शॉटसर्कीट किंवा उन्हामुळे आग लागल्याचा प्राथमिक अंदाज व्यक्त करण्यात आला असून, सतर्कतेमूळे मोठी दुर्घटना टळल्याची चर्चा नागरिकांमध्ये होती.