अखिल भारतीय कबड्डी स्पर्धेचा समारोप

यवतमाळ – नवजयहिंद क्रिडा मंडळाच्या वतीने आयोजित अखिल भारतीय कबड्डी स्पर्धा स्थानिक बालाजी सोसायटी येथील मैदानात पार पडल्या. स्पर्धेत पुरूष गटात हरियाणाचा बाबा हरदास संघ तर महिला गटात एमडी स्पोटर्स पुणे ने प्रथम पारितोषिक पटकाविले. हरियाणा संघाचा प्रमोद कुमार तर पुणेची पुजा शेलार यांना उत्कृष्ट खेळाडू म्हणून गौरविण्यात आले. यावेळी विजेत्या चमूंना मान्यवरांच्या हस्ते बक्षीस वितरण करण्यात आले.
यावेळी विधानसभेचे उपाध्यक्ष आ.प्रा. वसंतराव पुरके, खा.भावनाताई गवळी, माजी आ. अरूण अडसड, जि.प. अध्यक्ष प्रविण देशमुख, राष्टÑवादी काँग्रेसचे जिल्हाध्यक्ष नानाभाऊ गाडबैले, जिल्हा मध्यवर्ती बँकेचे अध्यक्ष मनिष पाटील, जि.प. सदस्य राहुल ठाकरे, सिमा तेलंगे, शिवसेना उपजिल्हा प्रमुख राजेंद्र गायकवाड, विदर्भ कबड्डी असोसिएशनचे रामदास दरणे आदि उपस्थित होते. पुरूष गटात अंतिम सामन्यात हरियाणाच्या बाबा हरदास क्लबने पटियालाच्या संघाला २९ विरूध्द ६ गुणांनी पराभव करीत धुळ चारली. तर महिला गटात पुणेच्या एमडी स्पोटर्स संघाने अटीतटीच्या सामन्यात पंजाबच्या राणा स्पोटर्स क्लबचा पराभव केला. शिवाय स्पर्धेत विजेत्या संघासह द्वितीय, एअर इंडीया मुंबईच्या संघाला तृतिय व साई गुजरात संघ चतुर्थस्थानी राहिलेल्या संघांना रोख पारितोषिके मान्यवरांच्या हस्ते प्रदान करण्यात आले. तसेच मॅन आॅफद सिरीज ठरलेल्या एमडी क्लब पुणेच्या पुजा शेलार हिला स्कुटी देऊन गौरविण्यात आले. बिएमडब्ल्यु पटीयाला संघातील रोहीत कुमार, राणा स्पोर्टर्स पंजाबच्या मोती चंदल, एअर इंडीया मुंबईच्या राहुल चौधरी, साई गुजरातचा रवी, अशोक संघ कलकत्त्याची पिंकी राय, पालम स्पोेटर्स दिल्लीची भावना, विदर्भ नागपूर संघाची साक्षी झेंडे, आणि महिला आश्रम पुणेची अंकीता मोहड यांना बक्षिस वितरीत करण्यात आले. स्पर्धेच्या यशस्वीतेकरीता स्वागताध्यक्ष आ.संदीप बाजोरीया, नवजयहिंद मंडळाचे अध्यक्ष विनायक बोदडे, अरूण राउत, सतिश भोयर, राजु डांगे, बाळासाहेब चौधरी, राजु जॉन, बाळासाहेब दौलतकार, प्रशांत वानखडे, चंद्रशेखर परडखे, प्रकाश दौलतकर, शंकर कुमरे, सुधिर गदरे, शंकर नागोसे, भिमराव मडावी, अनील काळे, सुरेश जवंजाळ, विष्णू बेहरे, प्रभाकर सावरकर, लक्ष्मण वेलादे, इंगळे, पप्पु तोंदवाल, अजय शेंडे, अरुण शेंडे, अरुण गवळी, प्रदिप वानखडे, हरिहर देशुख, कैलास राठोड, सुनील वानखडे, अमोल बोदडे, विलास कीनवटकर, लक्ष्मण पवार, कैलास शिंदे, सचिन दरेकर, डॉ. सुभाष डोंगरे, दिलीप मुनगीनवार, विनोद देशमुख, शाम पाचपोर, प्रा. विकास टोणे, शैलेश वानखडे यांच्यासह कार्यकत्र्यांनी सहकार्य केले.