पुसद – वादळी वाºयासह आलेल्या अवकाळी पाऊस व गारपीटीचा तडाखा आज शनिवारी पुसद तालुक्याला बसला. लिंबाच्या आकाराच्या झालेल्या गारपीटीने बराच वेळ नागरिकांना घराबाहेर निघणे कठीण झाले होते.

हवामानातील बदलामुळे सातत्याने गारपीटीचा सामना तालुक्याला करावा लागत असून आज शनिवारी  दुपारी अचानकपणेच आकाशात ढग दाटून आले. काही वेळातच सोसाट्याचा वारा सुटून गारपीटीला प्रारंभ झाला. मोठ्या प्रमाणात गारांचा वर्षाव झाल्याने ग्रामीण भागात उन्हाळी पिकांचे प्रचंड नुकसान झाले. लिंबाच्या आकाराच्या गारा पडल्याने अनेक घरांवरील छपरांचीही हानी झाली. वृत्त लिहेपर्यंत कुठल्याही प्रकारची मोठी हानी झाल्याचे समजले नाही.

डेहणीला तडाखा – दिग्रस तालुक्यातील डेहणी शिवारातही दुपारी ४ वाजताच्या दरम्यान वादळी वाºयासह गारपीट झाली. या परिसरात शेतकºयांनी घेतलेल्या उन्हाळी पिकांचे मोठे नुकसान झाले. ग्रामीण भागात अनेक ठिकाणी वादळामुळे झाडांच्या फांद्या तुटून रस्त्यावर पडल्या होत्या. त्यामुळे वाहतुकीचाही खोळंबा झाला होता. साधारणत: बोराच्या आकाराच्या गारांचा वर्षाव झाल्याने शेतात कामानिमित्त गेलेल्या मजुरांनाही सुरक्षीत स्थळाचा आसरा घ्यावा लागला.