
मुंबई, दि. १५ – पेट्रोल व डिझेलचे भाव प्रति लिटर दोन रुपयांनी कमी करण्यात आले आहेत. त्यामुळे आता ग्राहकांना मध्यरात्रीनंतर पेट्रोल व डिझेलसाठी प्रति लिटर दोन रुपये कमी मोजावे लागणार आहेत. आंतरराष्ट्रीय बाजारात घसरलेल्या खनिज तेलाच्या भावांमुळे भारतातही पेट्रोलजन्य उत्पादने स्वस्त होत आहेत. सरकारी तेल कंपन्यांनी घेतलेल्या पंधरवड्याच्या हवाल्यामध्ये हा निर्णय घेतला आहे. गेल्या वर्षभरात आंतरराष्ट्रीय बाजारातील खनिज तेलाचे भाव प्रति बॅरल ११० डॉलर्सवरून ६० डॉलर्स इतके घसरले आहेत, आणि येत्या काळातही हे भाव कमीच राहणार असल्याचा अंदाज आहे.









