नवी दिल्ली- डॉलरच्या तुलनेत रुपया स्वस्त झाल्याने सर्वाजनिक क्षेत्रातील तेल पुरवठा करणा-या कंपन्यांनी पेट्रोलच्या दरात ७० पैशांची कपात केली आहे. महिन्याभरातील पेट्रोलच्या किमतीमधील ही दुसरी कपात आहे. नवे दर मंगळवार मध्यरात्रीपासून लागू होणार आहेत.
या कपातीनंतर राजधानी दिल्लीत पेट्रोलचे दर प्रतिलिटर मागे ७१.४१ रुपये, मुंबईतील दर ८० रुपये इतके होणार आहेत. पेट्रोलच्या दरात कपात करण्यात आली असली तरी डिझेलच्या दरात कोणतेही बदल करण्यात आलेले नाहीत. केंद्र सरकराने जून २०१०मध्ये पेट्रोल आणि डिझेलवरील सरकारी नियंत्रण हटवले होते. त्यानंतर प्रत्येक महिन्याच्या एक आणि १६ तारखेला पेट्रोल आणि डिझेलचे दर निश्चित केले जातात. जानेवारी २०१३पासून डिझेरच्या किमतीमध्ये ८.३३ रुपयांची वाढ झाली आहे. या वाढीनंतरही डिझेलच्या प्रतिलिटर विक्रीमागे ५.४९रुपयांचा तोटा होत असल्याचे इंडियन ऑइलच्या अधिका-याने सांगितले.
पेट्रोल ७० पैशांनी स्वस्त
Join us on social media
|
|
|
 |
जाहिरात
Copyright © 2026.