यवतमाळ , दि. ८ – वृद्घ महिलेचा गळा आवळून खून केल्याची घटना किट्टा कापरा येथे आज रविवारी सकाळी उघडकीस आली. पैशाच्या वादातून खून झाल्याचा प्राथमिक अंदाज वर्तविण्यात आला असून, अज्ञात मारेकºयाला शोधण्याचे आव्हाण ग्रामीण पोलिसांपुढे उभे ठाकले आहे.
यवतमाळ तालुक्यातील किट्टा कापरा येथील किसनाबाई किसन देवकर (७२) हि वृद्घ महिला निराधार योजनेतून मिळणाºया पगारावर घराचा उदरनिर्वाह चालवित होती. गावातील काही गरजूना अडीअडचण आल्यास मदतही करीत होती. दरम्यान काल शनिवारी मध्यरात्री ती घरी झोपून असताना, अज्ञात व्यक्तीने महिलेचा गळा दाबून हत्या केली. आज पहाटे गुलाब बळीराम पितरे याला त्याची मामी मृतावस्थेत आढळून आल्यानंतर गावात खून झाल्याची वार्ता पसरली. याबाबतची माहिती यवतमाळ ग्रामीण पोलीस स्टेशनला देण्यात आल्यानंतर पोलिसांनी घटनास्थळ गाठून घटनेचा पंचनामा केला. पैशाच्या वादातून महिलेची हत्या झाली असावी असा अंदाज पोलिसांनी वर्तविला आहे. याप्रकरणी फिर्याद नोंदविण्यात आली असून, याप्रकरणी पोलिसांनी गुन्हा नोंद करून तपास सुरू केला आहे.