यवतमाळ – येथून चंद्रपूरकडे जाणाºया पोलीस अधिकाºयांच्या वाहनाने दुचाकीला धडक दिल्याने एक जण ठार झाल्याची घटना आज वाकी नजीक घडली. यामध्ये एक जण जखमी झाला असून मृतकाच्या खिशातून एक लाख रुपये लांबविले.
अंबादास कवडू लिलारे (४५) रा. मोहदरी असे मृतकाचे तर नामदेव किसन मेश्राम (५२) रा. मोहदरी असे जखमीचे नाव आहे. आज सकाळी दुचाकीने (एम.एच. २९/ ९२४७) यवतमाळकडे जात होते. अशातच गंगा फर्टीलायझर जवळ चंद्रपूर येथील पोलीस निरीक्षक मनिष ठाकरे यांच्या कारने (एम.एच. २९ / आर. २०६९) जोरदार धडक दिली. या अपघातामध्ये अंबादास जागीच ठार तर नामदेव हा गंभीर जखमी झाला. यावेळी जखमीना येथील वसंतराव नाईक शासकीय रुग्णालयात दाखल केले, मात्र प्रकृती गंभीर असल्याने त्याला सेवाग्राम येथे हलविण्यात आले. या घटनेची माहिती मिळताच शहर पोलीस, जिल्हा वाहतुक शाखा, दंगल नियंत्रण पथक घटनास्थळी भेट देऊन तणाव नियंत्रणात आणला. मृतक अंबादासने नुकताच कापूस विक्री केला असून त्यापोटी मिळालेली रक्कम एक लाख रुपये त्याच्या सोबत होती. अपघातानंतर त्याच्या खिशातून सदर रक्कम चोरुन नेली. याप्रकरणी शहर पोलिसांनी गुन्हा दाखल केला असून तपास सुरु आहे.