माजलगाव : ‘तू लग्न करू नकोस, मी तुझ्यासाठी आयुष्यभर साथ देईन’ अशी विनवणी करूनही विवाहास नकार देणार्‍या प्रियकराच्या घरीच प्रेयसीने विष प्राशन करून आत्महत्या केल्याची घटना माजलगाव येथील मंगलनाथ कॉलनी परिसरात घडली. या प्रकरणी प्रियकरास पोलिसांनी ताब्यात घेतले आहे. येथील कृषी कार्यालयातील कर्मचार्‍याची माजलगाव येथील तहसील कार्यालयातील लिपिक महिलेशी ओळख झाली. ओळखीचे रूपांतर प्रेमात होऊन प्रशासकीय कामाच्या निमित्ताने दोघेही तहसील कार्यालयात वारंवार भेटत असत. ही महिला विवाहित असून, तिचा पती बुलडाणा येथे नोकरीनिमित्त राहतो. कृषी कार्यालयातील कर्मचारी हा अविवाहित होता. दरम्यान, या महिलेची बदली काही दिवसांपूर्वी औरंगाबाद येथील आयुक्त कार्यालयात झाली; परंतु या प्रेमवीरांच्या वारंवार माजलगाव येथील या तरुणाच्या घरी भेटी होत असत. काही दिवसांपूर्वी या तरुणाचा विवाह जुळल्याची माहिती प्रेयसीला कळाल्याने ‘व्हॅलेंटाईन डे’च्या पूर्वसंध्येला (दि. १३) तिने थेट प्रियकराचे घर गाठले. दोघांमध्ये रात्रभर विवाह व प्रेमाबाबत चर्चा झाली. तिने तरुणास विवाह न करण्याची विनवणी केली, जीवनभर साथ देण्याचे वचन दिले; परंतु प्रियकराने स्पष्ट शब्दांत नकार दिल्याने नैराश्यातून प्रेयसीने शनिवारी सकाळी प्रियकराच्याच घरात तो मॉर्निंग वॉकला गेल्यानंतर विषारी औषध प्राशन केले. तासाभरानंतर तो घरी परत आल्यानंतर प्रेयसी तोंडातून फेस आलेल्या अवस्थेत निपचित पडलेली दिसून आली. या प्रकरणी माजलगाव शहर पोलीस ठाण्यात फोन करून हा प्रकार कळविण्यात आला. पोलिसांनी या तरुणास ताब्यात घेतले असून, महिलेचा मृतदेह