यवतमाळ , दि. १०  – शहरातील विमा अभिकर्त्यांच्या मोबाईलवर अज्ञात ठगाने फोन करुन बँकेचा कर्मचारी असल्याचे सांगून एटीएम क्रमांक घेऊन एटीएम खात्यातून १० हजार रुपये काढून फसवणूक केल्याचे आज उघडकीस आले.  ही घटना २० डिसेंबर २०१४ ते ९ जानेवारी २०१५ या दरम्यान घडली.
भाष्कर मिलमिले रा. यवतमाळ हा युवक विमा अभिकर्ता असून २० डिसेंबर २०१४ रोजी एका अनोळखी मोबाईल क्रमांकावरून फोन आला. बँकेचा कर्मचारी बोलत असून तुमचे डेबीड कार्ड तयार करायचे आहे असे सांगण्यात आले. त्यानंतर तुम्हाला कोणतेही वस्तु खरेदी केली तर पाच टक्के सुट मिळणार असल्याचे सांगितले. त्यानंतर त्यांच्या एटीएमचा १६ अंकी क्रमांक व एटीएमचा पासवर्ड विचारला.  बँकेतून फोन आल्याचे समजुन मिलमिले यानी सदर क्रमांक व पासवर्डही सदर व्यक्तीला सांगितला. दरम्यान ९ जानेवारी रोजी दुपारी या ठगाने पुन्हा फोन करुन तुमच्या खात्यातील पैसे संपले असून खाते बंद करण्यात येईल असे ठणकावले. त्यावेळी मिलमिले यानी माझ्या खात्यात पैसे असल्याची माहिती दिल्याबरोबल या ठगाने एटीएम खात्यातून ८ हजार रुपये काढून घेतले. याबाबतची शहानिशा करण्यासाठी बँकेतून स्टेटमेंट काढल्यानंतर खात्यातून १० हजार ७७६ रुपये काढल्याचे उघड झाले. या ठगाने एटीएम खात्यातून आॅननाईन मोबाईलचे रिचार्ज मारले असून अनेक वस्तुची खरेदी केली आणि हॉटेलमध्ये जेवणावरही ताव मारला. बेगलोर येथील एटीएम मधून सदर पैसे काढल्याचे स्टेटमेंटवरून उघड झाले आहे. या प्रकरणी भाष्कर मिलमिले यांनी शहर पोलिस ठाण्यात तक्रार दिली.