यवतमाळ, दि. ८ (प्रतिनिधी) – भरधाव बसने दिलेल्या धडकेत दोन युवक ठार झाल्याची घटना मोहदा-रामपूरनजीक आज दुपारी ३ वाजता दरम्यान घडली. विशाल मधू चव्हाण (३५), निकेश कमल गोंधळे (२५) दोघेही रा. सेवानगर यवतमाळ अशी मृतांची नावे आहे. दोघेही दुचाकी क्रमांक एमएच २९/ एबी ४७१५ ने पांढरकवडा येथे जात होते. दरम्यान विरुद्ध दिशेने आलेली बस क्रमांक एमएच ४० वाय/ ५००३ ने दुचाकीला जबर धडक दिली. यात दोघेही गंभीर जखमी झाले. ही बस गडचिरोलीवरून यवतमाळमार्गे नांदेडला जात होती. अपघात होताच बसचालकाने घटनास्थळावरून पळ काढला. अपघाताची माहिती मिळताच नागरिकांनी घटनास्थळ गाठून जखमींना रुंझा येथील प्राथमिक आरोग्य केंद्रात उपचासाठी दाखल केले. मात्र दोघांची प्रकृती गंभीर असल्याने डॉक्टरांनी प्राथमिक उपचार करून जखमींना यवतमाळ येथे नेण्याचा सल्ला दिला. शासकीय रुग्णालयात दाखल केल्यानंतर डॉक्टरांनी दोघांनाही मृत घोषित केले.आऊट पोस्ट पोलिसांनी घटनास्थळ गाठून पंचनामा केला.
बसची दुचाकीला धडक, दोन युवक ठार
Join us on social media
|
|
|
 |
जाहिरात
Copyright © 2026.