यवतमाळ , दि. १० – दुचाकीने जाणाºया सराफा व्यावसायीकावर प्राणघातक हल्ला करून सोन्या चांदीचे दागिन्यासह मुद्देमाल लुटल्याची घटना आज १० जलुै रोजी रात्री ८ वाजताच्या बाभूळगाव पंचायत समिती जवळ घडली.
सराफा व्यावसायीक सुधीर देविदास रोकडे (४०) यांचे मेनलाईनमध्ये दुकान आहे. त्याच्याकडे उमेश रोकडे (२७) हा कामगार म्हणून कार्यरत आहे. १० जुलै रोजी रात्री ८ वाजता दुकान बंद करून ते दुचाकीने घरी जात होते. अशातच पंचायत समिती व ग्रामीण रुग्णालयाच्या जवळ पाच ते सहा लुटारुंनी दुचाकी अडवून रोकडे यांच्यावर फायटर हल्ला वढविला. ते खाली पडताच त्यांच्या जवळील पिशवीतील १० ते १५ किलो चांदी व सोन्याचे दागिने घेऊन पसार झाले. त्यांच्यावर ग्रामीण रुग्णालयात प्राथमिक उपचार करून यवतमाळ येथील शासकीय रुग्णालयात हलविले. या घटनेची माहिती मिळताच ठाणेदार महिपालसिंग चांदा यांनी घटनास्थळी भेट देऊन पाहणी केली असून आरोपींची शोधमोहीम सुरू केली.
Copyright © 2026.