लखनऊ – उत्तरप्रदेश पोलिसांच्या दहशतवाद विरोधी पथकाने बुधवारी गोरखपूर रेल्वे स्टेशन जवळून दोन संशयित दहशतवाद्यांना अटक केली. दोन्ही दहशतवाद्यांची भाजपचे पंतप्रधानपदाचे उमेदवार नरेंद्र मोदी यांच्यासह काही प्रभावी नेत्यांच्या प्रचार सभांमध्ये आत्मघातकी दहशतवादी हल्ला करण्याची योजना होती.
बरकत आणि मुझम्मील अशी अटक केलेल्या दोन दहशतवाद्यांची नावे असून, ते पाकिस्तानी नागरिक आहेत. लखनऊच्या एटीएस मुख्यालयात दोघांची कसून चौकशी सुरु आहे. अटक केलेल्या दोन्ही दहशतवाद्यांना मोठया निवडणूक प्रचारसभांमध्ये आत्मघातकी दहशतवादी हल्ला करण्याच्या सूचना देण्यात आल्या होत्या अशी माहिती तपास अधिका-यांनी दिली.दिल्ली पोलिसांच्या गुन्हे शाखेकडून मिळालेल्या माहितीच्या आधारावर उत्तरप्रदेश एटीएसने ही कारवाई केली. एटीएसचे प्रमुख राजीव सब्बरवाल यांनी अटकेच्या वृत्ताल दुजोरा दिला मात्र त्यापेक्षा अधिक माहिती देण्यास नकार दिला.
भाजपच्या सभा दहशतवाद्यांच्या रडारवर
Join us on social media
|
|
|
 |
जाहिरात
Copyright © 2026.