धूम स्टाईलने चैन स्नॅचरचा धुमाकुळ
कल्याण,ठाणे (सतिष राठोड) दि. १० – गेल्या काही दिवसांपासून कल्याण,मुंबई,ठाणे व उप नगरीय शहरांमध्ये चैन स्नॅचरांचा धुम स्टाईलने धुमाकुळ घातला आहे. शनिवारी दुपारी २ वाजेच्या सुमारात कल्याण पूर्वेतील लोकग्राम,चिंचपाडा,विजय नगर परिसरात चक्क १५ मिनिटात ३ ठिकाणी चैन स्नॅचरांनी महिलांच्या अंगावरील ११.५ तोळे सोन्याचे दागिने बाईक वर धूम स्टाईलने चोरण्याचा पराक्रम केला आहे.
पहिल्या घटनेत भारतीय महिला आघाडीच्या अध्यक्षा स्मिता पाटील हे आॅटो रिक्षातून उतरून रिक्षा चालकाला पैसै देण्यासाठी पर्समध्ये हात घातला. यावेळी एका बाईकवर हेल्मेट घातलेले २ चोरट्यांनी धूम स्टाईलने पाठलाग करून अंगावरील एक १० ग्रॅम व दुसरा ५० ग्रॅमचे असे २ मंगळसुत्रे हिसकाउन नेले. तर दुसºया घटनेमध्ये चिंचपाड्यात रिक्षामध्ये बसत असतांनाच वैशाली विचारे यांचा ५ तोळ्याचा मंगळसूत्र गळ्यातून हिसकाउन चोरटे पळून गेले. तर तिसरी घटनेत ही अशाच प्रकारे धूम स्टाईलने ३.५ तोळ्याचे मंगळसूत्र चोरट्याने चोरले.
या घटनेला पोलीसच कारणीभूत असल्याची प्रतिक्रीया भाजपा महिला आघाडीच्या अध्यक्षांनी दिली आहे. याप्रकरणी विजय नगर पोलीसांनी चोरट्याविरूद्घ गुन्हा दाखल केला असून तपास सुरू आहे.