दिग्रस – तालुक्यातील ईसापूर येथील एका इसमाने शाळेची व हिंदू स्मशानभूमीची जागा हडपली. त्या इसमावर गुन्हे दाखल करून शासनाने जमीन ताब्यात घ्यावी, या मागणीसाठी भाजपाच्या तालुका सचिव श्याम गायकवाड यांनी पोलीस ठाण्याच्या टॉवरवर चढून दहा तास ठिय्या आंदोलन केले. त्यामुळे पोलीस प्रशासनाची तारांबळ उडाली होती.
ईसापूर येथील रावसाहेब यशवंत साळुंके यांनी प्राथमिक मराठी शाळेची जमीन व रस्ता असलेली ८.३३ आर व ई­क्लासच्या २.८२ हे आर जमिनीवर अतिक्रमण करून नांगरणी केली. गायकवाड याने शाळा, रस्ता व स्मशानभूमीची जागा हडपण्यास साळुंके यांना विरोध केल्याने त्याला तलवारीचा धाक दाखविला. साळुंके यांच्या दहशतीपुढे अधिकारीही हतबल झाल्याने २६ जानेवारीला याबाबतचे निवेदन गायकवाड याने प्रशासनाकडे सादर केले. त्यानंतर कार्यवाही न झाल्याने ४ जुलैला दिग्रस पोलिसात तक्रार दिली. हा विषय महसूल विभागात मोडत असल्याने पोलिसांनी गायकवाडला तहसीलदारांकडे तक्रार करण्यास सांगितले. त्यानंतर तहसीलदारांकडे तक्रार देऊनही उपयोग झाला नाही. अखेर गायकवाड यांनी ६ जुलैच्या रात्री १ वाजता पोलीस गस्तीवर जाताच ठाण्यातील ८०
फू ट उंच टॉवरवर चढून आंदोलनास सुरुवात केली. आज सकाळी एक युवक टॉवरवर बसून असल्याचे पोलीस व नागरिकांना दिसले. तो वेडसर आहे का, याची चौकशी पोलिसांनी केली. यावेळी गायकवाड याने मागण्यांचे निवेदन टॉवरवरून खाली फेकले व पक्षाच्या पदाधिकाºयांना
भ्रमणध्वनीवरून संपर्क साधून आंदोलनाची माहिती दिली. त्यानंतर भाजपाचे प्रमोद बनगिनवार, महादेव सुपारे, सुभाष काटेकर, आनंद आडे, अनिल भरारे, अ‍ॅड. विवेक बनगिनवार आदी पदाधिकारी पोलीस ठाण्यात पोहोचले. पोलीस निरीक्षक  संजय देशमुख व पदाधिकाºयांनी आंदोलनकर्त्याला समजावून सांगितले. मात्र, तो खाली उतरण्यास तयार नव्हता. जोपर्यंत साळुंके यांच्यावर गुन्हे दाखल होणार नाही व अतिक्रमण काढणार नाही, तोपर्यंत आंदोलन करू, असा पवित्रा घेतला. जिल्हा पोलीस अधीक्षक व जिल्हाधिकारी यांच्यामार्फत कारवाई व्हावी, अशी मागणी केली. आंदोलन चिघळत असल्याने तहसीलदार नितीन देवरे व  उपविभागीय पोलीस अधिकारी कल्पना भराडे यांनी पोलीस ठाण्यात भेट दिली. आंदोलनकर्ता आपल्या मागणीवर ठाम असल्यामुळे तहसीलदार यांनी आपल्या कर्मचाºयांसह ईसापूर येथील अतिक्रमणाची पाहणी केली. व ई­क्लासची २.८२ हे. आर जमिनीवरील अतिक्रमण हटवून साळुंके यांच्यावर कारवाई केली तर शाळेजवळील जमिनीचा वाद न्यायप्रविष्ठ असल्याने निकाल लागेपर्यंत कारवाई करता येत नसल्याचे सांगितले. कारवाईची माहिती आंदोलकर्त्याला देण्यात आल्यानंतर व आ. संजय राठोड यांनी श्याम गायकवाडला आंदोलन मागे घेण्यास सांगितल्यावरही श्याम टॉवरवरून उतरला नाही. आरोपीवर गुन्हा दाखल करण्यात आल्याचे पो.नि. संजय देशमुख, रवींद्र अरगडे, महादेव सुपारे व प्रमोद बनगिनवार यांनी सांगितल्यावर गायकवाड टॉवरवरून खाली उतरला. आंदोलनाबाबत त्याला विचारणा केली असता, आजच्या कारवाईने आपण समाधानी असल्याचे सांगितले.