नेर, दि. २२ – सरपंच पदाचा दुरपयोग करून ग्रामपंचायतमध्ये मुलाला नोकरीवर लावणाºया मंगरुळ येथील महिला सरपंचास पायउतार होण्याचे आदेश जिल्हाधिकाºयांनी दिले.
प्रेमिला चव्हाण असे महिला सरपंचाचे नाव आहे. तालुक्यातील मंगरुळ ग्रामपंचायत मध्ये त्या सरपंचपदावर विराजमान होत्या. या ग्रामपंचायतमध्ये सतत सदस्याचे वाद होत असल्याने चार सदस्यांनी राजीनामे दिले आहे. याच संधीचा फायदा घेत चव्हाण यानी पदाचा दुरपयोग घेऊन बापुराव मेश्राम, सदानंद मेश्राम हे ग्रामपंचायतमध्ये कार्यरत असताना मुलगा रामचंद्र हरिदास चव्हाण यास रोजंदारी कर्मचारी म्हणून कामावर घेतले. या बाबत त्याने दरमहा १ हजार २०० रुपये पगाराची उचल केली आहे. यावरुन सरपंचाने आपल्या पदाचा फायदा घेऊन आर्थीक लाभ घेतल्याचे दिसून येते असा आरोप ग्रामपंचायत सदस्य गिरीष चव्हाडे यानी केला आहे. ग्रामपंचायतमध्ये कर्मचाºयाची आवश्यकता असल्यास गावात दवंडी देऊन किमी जाहीरात देऊन पदे भरण्यात येते. मात्र सरपंच चव्हाण यानी सर्व नियमाची पायमल्ली करून मुलाला कामावर ठेवले होते. या प्रकरणाची तक्रार ग्रामपंचायत सदस्यांनी जिल्हाधिकाºयांकडे केली होती. दोन्हीकडील युक्तीवाद ऐकुण चव्हाण यांना पदावरून पायउतार व्हावे असे आदेश अप्पर जिल्हाधिकाºयांनी दिले. या आदेशाने तालुक्यात खळबळ उडाली आहे.