पाच लाखाची मागणी

फुलसावंगी  (यवतमाळ)-  येथील व्यापाºयांच्या दुकानात माओवादी संघटनेचे पत्रके आढळले असून पाच लाखाची मागणी केली आहे. अन्यथा स्वत:च्या जिवित्वास स्वत: जबाबदारी राहील  असेही पत्रकात नमुद केल्याने व्यापाºयात दहशत पसरली आहे.

महागाव तालुक्यातील फुलसावंगी येथे मोठी बाजारपेठ असून येथील नेहमीप्रमाणे  मंगळवारी  व्यापाºयांनी आपली दुकाने उघडली. तेव्हा बालाजी कृषी केंद्र, पांडे भुसार मार्केट, साई अँग्रो एजन्सी, दत्तकृपा कृषी केंद्र, गौरीशंकर कृषी केंद्र, जयस्वाल भुसार मार्केट या सहा सहा दुकानांमध्ये माओवादी संघटनेच्या नावाने लिहिलेली पत्रके आढळली. या पत्रकात माओवादी संघटना बीट क्र. ३६ चा कमांडर रामक्रिपा बाली याच्या आदेशाने पाच लाख रुपयांची खंडणी मागण्यात आली आहे. २१ मे रोजी सारकिन्ही येथील बसस्थानकावर पाच लाख रुपये घेऊन येण्याचे या पत्रकात म्हटले आहे. पैसे दिले नाही तर जीवाची जबाबदारी तुमच्यावर राहील, अशी धमकीही दिली असून  ‘जय महाकाल’ असे लिहिलेले आहे. या पत्रकामुळे व्यापाºयात  खळबळ उडाली असून पत्रके नक्षलवाद्यांची आहेत किंवा अज्ञात समाजकंटकाने हा खोडसाळपणा करुन व्यापाºयांना वेठीस धरण्याचा प्रयत्न केला हे गुढ अजूनही कायम आहे. तसेच महागाव तालुक्याच्या सिमेवरील जंगलामध्ये खरच नक्षल सुरु झाली काय अशी चर्चाही नागरिकांमध्ये सुरु आहे. याप्रकरणी व्यापाºयांनी महागाव पोलिस ठाण्यात तक्रार दिली असून अज्ञात व्यक्तीविरुद्घ खंडणीचा गुन्हा दाखल केला आहे.