गडचिरोली – एटापल्ली उपविभागातील पोमके हेडरी पोलिस मदत केंद्रावर शनिवारी रात्री १.३० वाजता सशस्त्र माओवाद्यांनी हल्ला चढविला. यात सुदैवाने पोलिस विभागाची कोणतीही हानी झाली नाही. मदत केंद्रावरील सतर्क पोलिसांनी माओवाद्यांना चोख प्रत्युत्तर दिले. दोन्ही बाजूंनी जवळपास अर्धा तास गोळीबार सुरू होता. अखेर पोलिसांचा वाढता दबाव पाहता हल्ला यशस्वी होत नसल्याचे दिसताच अंधाराचा फायदा घेऊन माओवादी पसार झाले. मदत केंद्रावरील पोलिसांना संपविण्याची माओवाद्यांची योजना होती. हा हल्ला अतिशय नियोजनबद्ध पद्धतीने पाळत ठेवून करण्यात आला होता. परंतु पोलिसांनी आक्रमक प्रत्युत्तर दिल्याने माओवाद्यांचे मनसुबे उधळले गेले. चकमकीनंतर पोलिसांनी परिसरातून २ क्लेमोरमाइन, २ हॅण्ड ग्रेनेड हस्तगत केले.
माओवाद्यांचा पोलिस केंद्रावर हल्ला
Join us on social media
|
|
|
 |
जाहिरात
Copyright © 2026.