ट्विटरवर चिवचिव करतोया
फेसबुकची पाने भरतोया
ब्लॉगही आला इन्टरनेटवर
भीमरायाचा डंका बोलतोया
माझ्या भीमाचा डंका बोलतोया ….
साहेबी थाट अन इंग्लिशवाणी
संगणकावर भीमाची गाणी
हातात स्मार्टफोन व्हाट्सयाप खोले
बोटाबोटावर गुगल खेळतोया
भीमरायाचा डंका बोलतोया
माझ्या भीमाचा डंका बोलतोया ….
कितीकिती पोरं जयभीम बोलती
एकामताने रे तुटून पडती
असू दे भारी ही दिमाखमारी
त्यांच्या भ्रमाचा भोपळा फोडतोया
भीमरायाचा डंका बोलतोया
माझ्या भीमाचा डंका बोलतोया ….
सायबरची पाने जयभीम म्हणे
बुद्धिस्ट फ्रेंड्स संगे धम्मभूमी जाणे
बहुजनांवर रिपब्लिकन फिवर
स्वाभिमानाचा नारा डोलतोया
भीमरायाचा डंका बोलतोया
माझ्या भीमाचा डंका बोलतोया ….
चळवळीसाठी भीमशक्ती पाठी
फुले शाहूंचा ललकार ओठी
अण्णा लहूजी बिरसा शिवबा
नव्या पिढीला एकसाथ जोडतोया
भीमरायाचा डंका बोलतोया
माझ्या भीमाचा डंका बोलतोया ….
आनंद गायकवाड
Copyright © 2026.