नवी दिल्ली- रिलायन्स उद्योग समूहाचे प्रमुख मुकेश अंबानी हे भारतातील सर्वात श्रीमंत व्यक्ती ठरले आहेत . देशातील ७० अब्जाधीशांपैकी अंबानींकडे १८ अब्ज डॉलरची संपत्ती असल्याचे अहवालात स्पष्ट करण्यात आले आहे. तसेच ६८ अब्ज डॉलरचे मालक बिल गेटस श्रीमंत व्यक्तींच्या यादीत पहिल्या स्थानावर कायम आहेत.
चीनमधील हुरुन या कंपनीने जाहीर केलेल्या यादीनुसार, भारताने श्रीमंत व्यक्ती असणा-या देशाच्या यादीत पाचवे स्थान मिळवले आहे. अंबानी जागतिक यादीत ४१ व्या स्थानावर आहेत. अंबानी यांच्यापाठोपाठ १७ अब्ज डॉलरचे मालक असलेले डॉ. लक्ष्मी मित्तल हे जगातील ४९वे अब्जाधीश आहेत.१३.५ अब्ज डॉलरची संपत्ती असलेले सन फार्मास्यूटिक उद्योगाचे दिलीप संघवी आणि विप्रोचे अझिम प्रेमजी हे दोघेही ७७ व्या स्थानावर आहेत. गतवर्षी डॉलरच्या तुलनेत रुपयाची घसरण झाल्याने या यादीत भारतीय व्यक्तींची संख्या कमी झाल्याचे अहवालात स्पष्ट करण्यात आले आहे.
मुकेश अंबानी भारतातील सर्वात श्रीमंत व्यक्ती
Join us on social media
|
|
|
 |
जाहिरात
Copyright © 2026.