मुजफ्फरनगर – उत्तरप्रदेशच्या मुजफ्फरनगर शहरात भाजप नेते ओमवीर सिंह यांचा गोळ्या घालून खून करण्यात आल्याची घटना आज, मंगळवारी घडली आहे. हल्लेखोर हे दुचाकीवरून आले होते अशी माहिती पोलिसांनी दिली. मृत ओमवीर हे मुजफ्फरनगर येथील मीरपूरचे शहर भाजप अध्यक्ष होते. या घटनेनंतर यूपीत कायदा व सुव्यवस्थेचा आढावा घेण्यासाठी मुख्यमंत्री अखिलेश यादव यांनी वरिष्ठ अधिकाऱ्यांची बैठक बोलावली आहे. यापूर्वी ग्रेटर नोएडात भाजप नेते विजय पंडित यांचा खून करण्यात आला होता. त्यानंतर या भागात तणाव निर्माण झाला होता. अखिलेश यादव यांनी बोलाविलेल्या बैठकीत राज्यातील विभागीय आयुक्त, जिल्हाधिकारी, आयजी, डीआयजी आणि डीएसपी यांना बोलाविण्यात आले आहे. उशिरा रात्रीपर्यंत ही बैठक चालणार आहे. कायदा व सुव्यवस्थेचा मुद्दावर या बैठकीत सर्व बाजुने चर्चा करण्यात येणार असल्याची माहिती मुख्य सचिव आलोक रंजन यांनी दिली.
मुजफ्फरनगरमध्ये भाजप नेत्याची हत्या
Join us on social media
|
|
|
 |
जाहिरात
Copyright © 2026.