बुंदी (राजस्थान) – चार्जिंगला लावलेला मोबाइल तुम्ही तसाच उचलून कधी कानाला लावलाय? कधी-ना-कधी किंवा अनेकवेळा तुम्ही तो लावला असेल… यापैकी काहीही करत असाल तर सावधान! कारण त्यात तुमचा जीवही जाऊ शकतो.
चार्जिंगला लावलेल्या अशाच एका मोबाइलने राजस्थानमधील एका गावात २४ वर्षीय तरुणाचा बळी घेतलाय. राजूलाल गुर्जर असं या तरुणाचं नाव आहे. मोबाइल चार्जिंगला लावलेला असतानाच त्याला एक कॉल आला. कॉल येताच राजूलालने चार्जिंग सुरू असतानाच तो कानाला लावला. मोबाइलवर त्याचं बोलणं चालू असतानाच अचानक मोबाइलमधील बॅटरीचा स्फोट झाला. हा स्फोट इतका जबरदस्त होता की राजूलाल छाती आणि हात भाजून निघाले. तो तिथेच बेशुद्ध झाला. त्याच अवस्थेत त्याला जवळच्या आरोग्य केंद्रावर नेण्यात आले. मात्र, डॉक्टरांनी त्याला मृत घोषित केले. विजेचा तीव्र धक्का आणि भाजल्यामुळं राजूलालचा मृत्यू झाल्याचे डॉक्टरांनी सांगितले. याप्रकरणी पोलिसांनी अधिक चौकशी सुरू केली आहे.
मोबाइलने घेतला तरुणाचा बळी
Join us on social media
|
|
|
 |
जाहिरात
Copyright © 2026.