यवतमाळ- सार्वजनिक वितरण प्रणालीत शिधापत्रिकाधारकांना दरमहा  देण्यात येणाºया साखर वाटपात तफावत असल्याचा   प्रकार उघडकीस आल्यानंतर चौकशीत ३२ लाखाचा घोटाळा झाला असल्याची बाब पुढे आली असून याचा अहवाल जिल्हाधिकाºयांना सादर करण्यात आला आहे. त्यामूळे दोषीवर कारवाई होण्याची शक्यता वर्तविण्यात येत आहे.

रास्तभाव देकानंदाराना दरमहा साखरेचे नियतन करण्यासाठी जिल्हा पुरवठा विभागाने तालुकास्तरावर शुगर नॉमिनीची नियुक्ती केली होती. शुगर नॉमिनीकडून दरमहा रास्तभाव दुकानदारांना साखरेचे नियतन होणे गरजेचे असताना २०१० ते २०१२ या कालावधीत यवतमाळ तालुक्यात साखर रास्तभाव दुकानापर्यंत पोहचली नसल्याच्या असंख्य तक्रारी पुरवठा विभागाकडे सादर करण्यात आल्या होत्या. तक्रारीच्या अंनुषगाने या प्रकरणाची चौकशी सुरू करण्यात आली होती. मात्र चौकशीत दोषीना पाठीशी घालण्यात येत असल्याचा आरोप नागरीकांतून होत असताना या प्रकरणात जिल्हाधिकारी यांनी लक्ष घालून योग्य चौकशी करून अहवाल सादर करण्याचे आदेश तहसिलदार अनुप खांडे यांना दिले होते. त्यानुसार या प्रकरणाची चौकशी करण्यात आली असून चौकशीचा अहवाल जिल्हाधिकारी अश्विन मुदगल यांचेकडे सादर करण्यात आला आहे. या अहवालात  ३२ लाखाचा साखर घोटाळा झाल्याचे नमूद असून लवकरच दोषीवर कारवाई करण्यात येणार असल्याचे सुत्रांनी सांगितले आहे.