केंद्रीय रेल्वे मंत्री खरगे यांच्या हस्ते नामफलकाचे अनावरण
यवतमाळ : – वर्धा-यवतमाळ-नांदेड रेल्वे मार्गाला गती देण्यासाठी पुढील वर्षाच्या अथर्संकल्पात अधिक निधीची तरतूद करणार, असे केंद्रीय रेल्वे मंत्री मल्लीकार्जुन खरगे यांनी सांगितले.
यवतमाळ येथे रेल्वेच्या २२ एकर जागेवर रेल्वे विभाग भव्य उद्यान उभारणार असून त्या उद्यानाच्या नामफलकाचे अनावरण श्री.खरगे यांच्याहस्ते झाले. अनावरणानंतर दर्डा मातोश्री सभागृहात आयोजित समारंभात ते बोलत होते. यावेळी सामाजिक न्याय मंत्री शिवाजीराव मोघे, खा.विजय दर्डा, खा.भावना गवळी, आ.वामनराव कासावार, माजी खासदार हरीभाऊ राठोड, नगराध्यक्ष योगेश गढीया, मध्य रेल्वेचे जनरल मॅनेजर सुनिलकुमार सुद, सुबोध जैन, माजी आमदार कीर्ती गांधी आदी उपस्थित होते.
यवतमाळ रेल्वे प्रकल्प केंद्र आणि राज्य शासनाच्या आर्थिक सहभागातून राबविण्यात येत आहे. प्रकल्पाला गती देण्यासाठी अधिक निधीची तरतूद करण्यासोबतच मनरेगाच्या माध्यमातून काही कामे केल्यास स्थानिकांना रोजगार उपलब्ध होण्याची शक्यता आहे. त्यामुळेच त्यादृष्टीनेही विचार सुरू असल्याचे श्री.खरगे म्हणाले. यवतमाळ येथे नॅरोगेज रेल्वे लाईन सुरू आहे. या रेल्वेलाईनची नियमीत देखभाल करण्यासोबतच यवतमाळ येथे कॉरीडॉरसाठी सर्व्हेक्षण केले जाणार असल्याचे ते म्हणाले. जिल्ह्याला लागून असलेले पोहरादेवी हे बंजारा समाजाचे श्रध्दास्थान आहे. त्यामुळे पोहरादेवी या ठिकाणाला या प्रस्तावित रेल्वेमार्गाला जोडण्यात येतील. यासाठी रेल्वेच्या अधिकाºयांनी कायर्वाही करावी, अशा सुचना त्यांनी यावेळी दिल्या. रेल्वे सेवा ही सवर्सामान्यांची सेवा आहे. अधिकाधिक जनतेला सदर सेवा देण्याचा प्रयत्न आहे. त्यासाठी सर्वांनी सहकार्य करावे, असे ते म्हणाले. यवतमाळ येथे प्रस्तावित रेल्वे उद्यानात रेल्वेची ओळख करून देणारे साहित्य ठेवण्याच्या सुचनाही त्यांनी केल्या. रेल्वेचे इंजीन, डबे अशा वस्तु ठेवून चांगले म्युझीयम तयार करण्याच्या सुचना देखील त्यांनी केल्या. यावेळी खा.विजय दर्डा यांचेही भाषण झाले. यावेळी त्यांनी रेल्वे मार्गाला गती देण्याची विनंती केली. वेळेवर हा मार्ग पुर्ण करण्यासोबतच कॉरीडॉर आणि रेल्वेचे म्युझियम उभारण्याची मागणी त्यांनी केली. प्रास्ताविक मध्य रेल्वेचे जनरल मॅनेजर सुनिलकुमार सुद यांनी केले. आभार रेल्वेचे अधिकारी महेशकुमार गुप्ता यांनी मानले. यावेळी नागरीक मोठ्या संख्येने उपस्थित होते.