यवतमाळ : यवतमाळ-वाशिम लोकसभा मतदारसंघासाठी काल झालेल्या निवडणूकीत ५८.८० टक्के इतके मतदान झाले. सर्वाधिक मतदान राळेगाव विधानसभा मतदारसंघात झाले असून या मतदारसंघाची मतदानाची टक्केवारी ६५.३२ इतकी आहे.
जिल्ह्यात एकूण १७ लाख ४ हजार २३८ इतके मतदार असून त्यापैकी १० लाख ३१ हजार ५३३ इतक्या मतदारांनी मतदानाचा अधिकार बजावला. त्यात पुरुष  ५ लाख ६४ हजार २७६ तर ४ लाख ६७ हजार २५७ स्त्री मतदारांचा समावेश आहे. वाशिम विधानसभा मतदारसंघात १ लाख  ८३ हजार १४६ इतके मतदान झाले असून या मतदारसंघातील मतदानाची टक्केवारी ५७.७२ इतकी आहे. कारंजा विधानसभा मतदारसंघात १ लाख ५० हजार १५४ (५३.४१टक्के), राळेगाव विधानसभा मतदारसंघात १लाख ७२ हजार ६३३ (६५.३२ टक्के), यवतमाळ विधानसभा मतदारसंघात १ लाख ७८ हजार ५०८ (५४.१८ टक्के), दिग्रस विधानसभा मतदारसंघात १ लाख ८५हजार ९२४ (६४.४६ टक्के) तर पुसद विधानसभा मतदारसंघात १ लाख ६१ हजार १६८ (५८.९१ टक्के) इतके मतदान झाले. राळेगाव पाठोपाठ दिग्रस मतदारसंघात ६४. ४६ इतके मतदान झाले. उवर्रीत चार विधानसभा मतदारसंघात मतदानाची टक्केवारी ही ६० टक्केच्या आत राहीली.