यवतमाळ – येथील गांधी चौकात अशोक नगरातील युवकावर चाकुने भोसकुन प्राणघातक हल्ला केल्याची घटना आज सोमवारी रात्री ७.३० वाजता घडली. रितेश विलास बाविस्कर (२४) रा. अशोक नगर असे जखमी युवकाचे नाव आहे. आज रात्री तो गांधी चौकात उभा असताना आशिष मुन रा. अंबिका नगर, सुमित वाघमारे रा. अशोक नगर या दोघाने चाकुने सपासप रितेशच्या पोटात, छातीवर वार करुन प्राणघातक हल्ला केला. त्यानंतर हल्लेखोरांनी काळ््या रंगाच्या एम.एच. २९ / १४ क्रमांक असलेल्या दुचाकीने तेथून पळ काढला. ही बाब तेथे उभ्या असलेल्या युवकांच्या निदर्शनास येताच जखमीला वसंतराव नाईक रुग्णालयात दाखल केले. शहरचे प्रभारी ठाणेदार अमोल माळवे,डी.बी. पथकाचे सहा. पोलीस उपनिरीक्षक गुलाब पंधरे यांच्यासह पथकाने घटनास्थळी भेट दिली. तसेच रुग्णालयात जाऊन जखमींची पाहणी केली. वृत्त लिहेपर्यंत पोलीस कार्यवाही सुरु होती.
Join us on social media
|
|
|
 |
जाहिरात
Copyright © 2026.