पांढरकवडा (दि. १३ मार्च )- तालुक्यातील वागदा येथील युवतीला पळवून राजस्थान येथे विक्री करणाºया चार आरोपींना अटक केली. सुंदराबाई माणिक गुंजेकार, आनंद रामाजी काकडे, सुनील रंजन सिंग ठाकुर, शोभा सुनील ठाकुर सर्व रा. रंगारीपूरा वणी अशी आरोपींची नावे आहे. आरोपी सुदराबाई वागद येथील एका व्यक्तीकडे पाहुणी म्हणून आली होती. ५ मार्च रोजी वागद येथील २० वर्षीय युवतीला पळवून नेले. आई-वडीलांनी मुलगी घरी नसल्याने तीची शोधमोहीम सुरु केली. मात्र तीचा कुठलाही थांगपत्ता न लागल्याने पांढरकवडा पोलिसात तक्रार दिली. त्यावरून पोलिसांनी आरोपीविरूद्घ भादंवि कलम ३६६, ३४ अंतर्गत गुन्हा दाखल केला. पोलिसांनी मोबाईल लोकेशवरून सुंदरा हीला वर्धा येथे अटक करून चौकशी सुरु केली. तसेच आनंद, सुनील, शोभा या तीन आरोपींना अटक केली. पळवून नेलेल्या युवतीची राजस्थान येथे विक्री केल्याची माहिती समोर आली असून तीच्या शोधासाठी पोलिस पथक रवाना झाले आहे.
Join us on social media
|
|
|
 |
जाहिरात
Copyright © 2026.