यवतमाळ – राजीव नगरमधील घर फोडून चोरट्याने सोन्याच्या दागिन्यासह ४ लाखाचा मुद्देमाल लंपास केल्याची घटना बुधवारी रात्री ११.३० वाजता घडली. प्रकाश नंदराव मिसाळ रा. राजीव नगर मोठे वडगाव हे आपल्या कुटुंबीयासह बुधवारी रात्री ८.३० वाजता मित्राकडे जेवन करण्यासाठी गेले होते. अशातच चोरट्याने त्याच्या घराचे कुलुप तोडून आत प्रवेश केला. कपाटातून २ लाख ४ हजार रोख , ५० ग्रॅम सोन्याचे मंगळसुत्र, १२ ग्रॅमचे कानातले, १५ ग्रॅमची अंगठी, ५ ग्रॅमची अंगठी, प्रत्येकी ५ ग्रॅमच्या दोन चैन, तीन सोन्याचे सिक्के असा एकुण ४ लाख ३० हजार रुपयाचा मुद्देमाल चोरुन नेला. रात्री ११.३० वाजता मिसाळ कुटुंबीय घरी परत येताच दाराचे कुलुप तुटल्याचे दिसले. घरात जाऊन पाहणी केली असता कपाटातून रोख व सोन्याचे दागिने चोरी गेल्याचे उघड झाले. या घटनेची माहिती मिळताच यवतमाळचे उपविभागीय पोलीस अधिकारी राहुल मदने, वडगाव रोडचे प्रभारी ठाणेदार दिलीप मसराम, पोलीस उपनिरीक्षक नरेश पिंपळकर, पोलीस उपनिरीक्षक शिल्पा निमकर व पोलीस कर्मचाºयांनी भेट देऊन पाहणी केली. या प्रकरणी प्रकाश मिसाळ यांच्या तक्रारीवरून वडगाव रोड पोलिसांनी चोरट्याविरुद्घ भादंवि कलम ४५७, ३८० अंतर्गत गुन्हा दाखल केला.