यवतमाळ -विधानसभा निवडणुकीत राष्ट्रवादी काँग्रेसचे उमेदवार संदिप बाजोरीया यांना विजयी करण्यासाठी व धर्मनिरपेक्ष मताचे विभाजन होऊ नये यासाठी राज्यातील १२ पक्ष राष्ट्रवादी काँग्रेससोबत जुळल्याची माहिती प्रवक्ता सुरेश चिंचोळकर यांनी दिली.
रिपब्लिकन पार्टी आॅफ इंडिया (एकतावादी)चे राष्ट्रीय अध्यक्ष नानासाहेब इंदिसे, रिपब्लिकन पार्टी (धर्मनिरपेक्ष – कर्मवीर दादासाहेब गायकवाड) चे राष्ट्रीय अध्यक्ष पी. के. गायकवाड, राष्ट्रीय रिपब्लिकन पक्षाचे राष्ट्रीय अध्यक्ष अण्णासाहेब कटारे, रिपब्लिकन आॅफ इंडिया (एस) चे अध्यक्ष सुरेश वाघमारे, ऐक्यवादी रिपब्लिकन पार्टीचे दिनेश गोडवाटे, रिपब्लिकन पार्टी आॅफ इंडियाचे काकासाहेब खंबाळकर गट, दलित पँथरचे सुखदेव (तात्या) सोनवणे, रिपब्लिकन क्रान्ती सेनेचे संजय गंगावणे, ख्रिश्चन कम्युनिटी वेल फेअर कौंसील आॅफ इंडिया चे जोसेफ लॉरेन्स मलबारी, भारतीय होलार समाज संघाचे माणिक भंडगे, महाराष्ट्र परिवर्तन सेनेचे अध्यक्ष धनराज थोरात, महाराष्ट्र बॅन्ड कलाकार उत्कर्ष संघटनेचे विजय खंडागळे या पक्षाच्या अध्यक्षांनी आपला पाठिंबा राष्ट्रवादी काँग्रेसला जाहीर केला आहे. जिल्ह्यातील या पक्षाचे सर्व पदाधिकारी व कार्यकर्ते राष्ट्रवादी काँग्रेस पक्षाच्या प्रचारासाठी फिरत आहे. यवतमाळ विधानसभेचे राष्ट्रवादी काँग्रेसचे अधिकृत उमेदवार संदीप बाजोरीया यांच्या प्रचारार्थ बाराही पक्षाचे पदाधिकारी विविध भागात पोहोचले असल्याची माहिती पक्षाचे प्रवक्ता सुरेश चिंचोळकर यांनी प्रसिध्दी पत्रकाद्वारे दिली आहे.