गोंदिया – गोंदिया-बालाघाट रेल्वेमार्गावरील गर्रा रेल्वेस्टेशनजवळ गुरुवारी दुपारी १२च्या सुमारास रेल्वेने टॅक्टरला धडक दिली. या अपघातात टॅक्टर चालक गंभीर जखमी झाला. त्याला उपचारासाठी नेत असतानाच त्याचा मृत्यू झाला. टॅक्टर वाळू घेऊन रेल्वे क्रॉसिंग करीत असतानाच अडकला आणि कटगीकडून बालाघाट मार्गे गोंदियाकडे येत असलेल्या रेल्वेने त्याला धडक दिली. ही धडक इतकी जोरदार होती की, टॅक्टरचे चेसीस, ट्रॉली, इंजीनचे तुकडे झाले. तर काही रेल्वेच्या इंजीनसोबत २०० मीटर दूरपर्यंत फेकले गेले. टॅक्टरमध्ये तीन जण बसले होते. यातील एकाचा मृत्यू झाला तर इतर दोघे जखमी झाले आहेत. घटनेनंतर रेल्वे पोलिस आणि रेल्वेचे अधिकारी घटनास्थळावर दाखल झाले. रेल्वेची या अपघातात कुठलीही हानी झालेली नसून इतर वित्त व जिवित हानी झालेली नाही
रेल्वेची टॅक्टरला धडक एक ठार
Join us on social media
|
|
|
 |
जाहिरात
Copyright © 2026.