यवतमाळ , दि. ९ (प्रतिनिधी) -एका युवतीला प्रेमाच्या जाळयात ओढून तीला लग्नाचे आमिष दाखवून दोन वर्ष लैगिंक शोषण केल्याचा  प्रकार सोमवारी रात्री उजेडात आला. वडगाव रोड पोलिसांनी याप्रकरणी प्रियकर आरोपीस अमरावती येथून अटक केली.
सचिन कृष्णराव माऊले (२५)  रा. हनुमान नगर अमरावती असे आरोपीचे नाव आहे. सन २०१२ मध्ये त्याने भ्रमणध्वनीवरून फोन लावला. सदर क्रमांक चुकल्याने फोन वणी तालुक्यातील चिखलगाव येथील २२ वर्षीय युवतीला लागला होता. त्यावेळी त्या दोघांची एकमेकांसोबत ओळख झाली. अशातच त्याच्यामध्ये संवाद वाढल्याने युवकाने सदर युवतीला आपल्या प्रेमाच्या जाळ््यात ओढळे. ती युवती शहरातील एका नर्सींग विद्यालयात प्रशिक्षण घेत असून जयभारत चौकातील महीलेच्या घरी भाड्याने राहत होती. याच ठिकाणी तो तीला भेटण्यासाठी येत होता. दरम्यान तीला लग्नाचे आमिष दाखवून शारीरीक सबंध प्रस्तापित करून लैगिंक शोषण केले. दोन वर्षापासून हा प्रकार सुरू असताना युवकाने लग्न करण्यास नकार दिला. तसेच मारहाण करून जीवे मारण्याची धमकी दिली. त्यामुळे युवतीने वडगाव रोड पोलिस ठाणे गाठून सचिन माऊले याच्याविरूद्घ तक्रार दिली. त्यावरून पोलिसांनी आरोपीविरूद्घ भादंवि कलम ३७६, ३२३, ५०६ अंतर्गत गुन्हा दाखल केला. वडगाव रोडचे ठाणेदार बाळकृष्ण जाधव याच्या मार्गदर्शनाखाली सहाय्यक पोलीस निरीक्षक आनंद पिदुरकर व पथकाने अमरावती येथे जाऊन आरोपी सचिनला अटक केली.