यवतमाळ – शहरातील तलाव फैल परिसरातील एका खोलीत असलेला गुटखा साठा आज सायंकाळी जप्त केला. उपविभागीय पोलीस अधिकाºयांच्या पथकाने ही कार्यवाही केली असून एकास अटक केली.
बंट्टी उर्फ अतुल सुभाष डगवार (२८) रा. तलाव फैल असे आरोपीचे नाव असून त्याचे सरोज टॉकीज जवळ साईराम सुगंध सेंटर आहे. दररोज अवैधपने गुटखा, जर्दा तम्बाखुची विक्री करतो. तलाव फैलमधील नेवारे या महिलेच्या घरी त्याने खोली भाड्याने करुन तेथे गुटखा साठवून ठेवत होता. या बाबतची गुप्त माहिती उपविभागीय पोलीस अधिकारी राहुल मदने यांच्या पथकाला मिळाली होती. त्यावरुन पथकाने आज शनिवारी सायंकाळी धाड टाकुन खोलीची झडती घेतली. यामध्ये गुटखा, जर्दा तंम्बाखु पुड्या निदर्शनास आल्या. यावेळी पोलिसांनी गुटखा साठा जप्त करुन आरोपीस अटक केली. यावेळी अन्न व औषध प्रशासन विभागाचे अन्न सुरक्षा अधिकारी विश्वजीत शिंदे, प्रफुल येवले यांना पाचारण करुन गुटखा स्वाधिन केला. ही कारवाई उपविभागीय पोलीस अधिकारी राहुल मदने यांच्या मार्गदर्शनाखाली जमादार राहुल मनवर, तुषार नेवारे, इकबाल शेख, वसीम शेख, प्रमोद मडावी, विजय जाधव, संजय कांबळे, अन्सार बेग यांनी केली.