उमरखेड (यवतमाळ), दि. १९ – महात्मा गांधी रोजगार हमी योजनेंतर्गत मंजूर झालेल्या विहिरीचे खोदकाम व बांधकामाची एमबी मंजूर करण्यासाठी व मस्टर काढून देण्यासाठी शेतकºयाकडून लाच घेणारे कनिष्ठ अभियंता, ग्रामसेवक व रोजगार सेवकास रंगेहात पकडले. लाचलुचपत प्रतिबंधक विभागाच्या पथकाने आज गुरुवारी ही कारवाई केली.
कनिष्ठ अभियंता सुभाष तगडपल्लेवार, जेवली येथील ग्रामसेवक डी. ए. मस्के, रोजगार सेवक विशाल देवसरकर अशी लाचखोरांची नावे आहे. एका शेतकºयाला महात्मा गांधी रोजगार हमी योजनेंतर्गत एक लाख ९० हजार रुपयांची विहीर मंजूर झाली होती. सदर विहिरीचे खोदकाम व बांधकाम संबंधाने पंचायत समिती येथून कामाची एम.बी. मंजूर करणे व मस्टर काढावे लागते. कामाची रक्कम मिळावी म्हणून शेतकºयाने तगडपल्लेवार यांची भेट घेतली होती. त्यावेळी पाच हजार रुपये लाचेची मागणी केली होती. तसेच ग्रामसेवक मस्के यांनी मंजूर झालेल्या विहिरीच्या कामाचे पैसे काढून देतो, असे म्हणून १९ हजार रुपये लाचेची मागणी रोजगार सेवकाच्या मध्यस्थीने केली होती. त्यावरून आज १९ मार्च रोजी सापळा रचून उमरखेड येथील हुतात्मा स्मारक गार्डन येथे पाच हजार रुपये स्वीकारताना तिन्ही आरोपींना पकडले. ही कारवाई पोलीस अधीक्षक सतिश देशमुख, नितीन लेव्हरकर, जामकर, नरेंद्र इंगोले, अमोल महल्ले, शैलेश ढोणे, गजानन राठोड, अमित जोशी, नीलेश पखाले, अनिल राजकुमार, किरण खेडकर, सुधाकर मेश्राम, विशाल धलवार यांनी केली.