यवतमाळ, दि. ६ – न्यायालयाने काढलेल्या वॉरंटमध्ये अटक टाळण्यासाठी सातशे रुपयाची लाच स्वीकारणाºया पोलीस कर्मचाºयास एसीबीच्या पथकाने रंगेहाथ अटक केली. या कारवाईमुळे पुसदच्या पोलीस दलात खळबळ उडाली आहे.
कचरू तुकाराम भालेराव (४३) असे लाचखोर पोलीस नायकाचे नाव आहे. तक्रारदार असलेल्या व्यक्तीविरुद्ध विद्यमान न्यायालयाने वॉरंट काढला होता. न्यायालयामधून वॉरंट रद्द करून आणतो तसेच अटक करणार नाही, असे म्हणून कचरू भालेराव याने सातशे रुपयाच्या लाचेची मागणी केली. या प्रकरणाची तक्रार यवतमाळ येथील लाचलुचपत प्रतिबंध विभागाकडे करण्यात आली. आज ठरल्यानुसार मधुसुदननगरच्या प्रवेशद्वाराजवळ भालेराव याने पंचासमक्ष लाच स्वीकारताच त्याला रंगेहाथ अटक करण्यात आली. ही कारवाई पोलीस उपअधीक्षक सतीश देशमुख यांच्या मार्गदर्शनात नीतीन लेवरकर, अरुण गिरी, प्रकाश शेंडे, नरेंद्र इंगोले, गजानन राठोड, शैलेश ढोले, अमोल महल्ले, अमित जोशी, निलेश पखाले, भारत चिरडे, अनिल राजकुमार, किरण खेडकर, विशाल धनवाल यांनी केली.