यवतमाळ, दि. ६ – प्राथमिक शाळेला खाते मान्यता मंजूर करून देण्यासाठी २३ हजाराची लाच शिक्षकामार्फत स्वीकारणाºया विस्तार अधिकाºयास एसीबीच्या पथकाने रंगेहाथ पकडले. ही कारवाई आज दुपारी २ वाजता दरम्यान पंचायत समितीच्या परिसरात करण्यात आली.
सुरेश गुलाब निकम (५६) असे लाचखोर विस्तार अधिकारी व राजू ओमकार गोरे असे शिक्षकाचे नाव आहे. सुरेश निकम विस्तार अधिकारी म्हणून जि.प.च्या प्राथमिक शिक्षण विभागात कार्यरत आहे. पुसद तालुक्यातील बान्सी येथील मनोहरराव नाईक प्राथमिक मराठी शाळेला खाते मान्यता पाहीजे होती. त्यासाठी विस्तार अधिकाºयाने पैशाची मागणी केली होती. अखेर कर्मचाºयाने लाचलुचपत प्रतिबंधक विभागाच्या पथकाकडे तक्रार केली. त्यावरून गोदणी मार्गावर असलेल्या पंचायत समितीच्या परिसरात आज दुपार दरम्यान सापळा रचण्यात आला. २३ हजाराची रक्कम राजू ओमकार गोरे या शिक्षकाने स्वीकारली. त्यावरून सुरेश निकमसह शिक्षकाला ताब्यात घेण्यात आले. ही कारवाई एसीबीचे पोलीस उपअधीक्षक सतीश देशमुख, पोलीस निरीक्षक नितीन लेव्हरकर, अरुण गिरी, प्रकाश शेंडे, नरेंद्र इंगोले, सुधाकर मेश्राम, शैलेश ढोणे, अमोल महल्ले, अमित जोशी, नीलेश पखाले, गजानन राठोड, अनिल राजकुमार, किरण खेडकर, विशाल धलवार, कोकेवार आदींनी केली.