वणी, दि़२ – वणी उपविभागातील फैदाबाद येथे वाघाने हल्ला चढवून युवकाला ठार केल्याची घटना आज गुरुवारी उघडकीस आली. त्यामुळे ग्रामस्थांमध्ये भितीचे वातावरण निर्माण झाले आहे. जगन तुकाराम गेडाम (३०) रा. फैदाबाद असे मृतक युवकाचे नाव आहे़
सैदाबाद येथील शेतमजूर जगन गेडाम हा सरपण गोळा करण्याकरीता जंगल परिसरातील शेतात दुपारच्या सुमारास गेला़ त्याने सरपण गोळा करुन बैलबंडीत भरले़ दरम्यान लगत पडलेले लाकूड घेण्याकरीता तो जंगलाकडे गेला असता दबा धरुन बसलेल्या वाघाने त्याचेवर हल्ला केला़ तसेच त्याला पाच किमी अंतरापर्यत फरफटत नेले़ रात्री तो घरी न परतल्याने त्याची शोधाशोध करण्यात आली़ यावेळी त्याच्या चपला व कुºहाड लगतच आढळली़ तसेच रक्त सांडलेले दिसले़ गावातील ८० ते ९० इसमांनी संपूर्ण जंगलात शोधकार्य सुरु केले असता घटनास्थळावरुन पाच किमी अंतरावर त्याचा मृतदेह आढळून आला़ या बाबत वनविभागाला सुचित करण्यात आल्यानंतर वनविभागाच्या अधिकाºयांनी पंचनामा करुन मृृतदेह उत्तरीय तपासणीकरीता वणी येथील ग्रामीण रुग्णालयात पाठविले़ मृतकाला दोन मुली असून गर्भवती अपंग पत्नी आहे़ वाघाचा बंदोबस्त करावा अशी मागणी अनेकदा निवेदनातून करण्यात आली.