बेळगाव – जमखाना धुण्यासाठी तळ्याकडे गेलेल्या दहावीत शिकणाऱ्या दोन विद्यार्थ्यांचा तळ्यात बुडून मृत्यू झाल्याची खळबळजनक घटना मार्कंडेय नगर येथे घडली आहे. तळ्यात बुडालेल्या दोन विद्यार्थ्यांची नावे यल्लाप्पा शटाप्पा नाईक(१५) आणि शानूर लगमाप्पा दंडावर (१६) अशी आहेत. उशिरापर्यंत तळ्यात त्यांचे मृतदेह शोधण्याचे कार्य सुरु होते. रात्र झाल्यावर शोध कार्य थांबविण्यात आले. आता मंगळवारी सकाळी तलाव फोडून त्यातील पाणी काढून मृतदेह शोधण्यात येणार आहेत.सरकारी हायस्कूलमधील विद्यार्थी सहलीहून परतले होते. सहलीहून आल्यावर आठ विद्यार्थी सोमवारी जमखाना धुण्यासाठी तळ्याकडे गेले होते. जमखाना धूत असताना चार विद्यार्थी तळ्यात पडले त्यापैकी दोन विद्यार्थ्यांना वाचविण्यात आले. दोन विद्यार्थी मात्र तळ्यात बुडले. सदर घटनेची नोंद ग्रामीण पोलिस स्थानकात झाली आहे.
Copyright © 2026.