पांढरकवडा – झरी जामणी तालुक्यातील हिवरा येथील एका महाविद्यालयीन विद्यार्थ्याने विष प्राशन करून आत्महत्या केली. ही घटना आज रविवारी सकाळी १० वाजता स्थानिक कॉटन मार्केट परिसरात घडली.
राजेश मारोती आत्राम (१८) रा. हिवरा ता. झरी असे मृतकाचे नाव असून पांढरकवडा येथील बाबासाहेब देशमुख पारवेकर महाविद्यालयात अकराव्या वर्गात शिक्षण घेत होता. आज सकाळी १० वाजता कॉटन मार्केटच्या मागील बाजुला असलेल्या वडाच्या झाडाखाली त्याने विष प्राशन करून आपली जीवनयात्रा संपविली. ही बाब परिसरातील नागरिकांच्या निदर्शनास येताच त्यांनी पोलिसांना कळविले. पोलिसांनी घटनास्थळ गाठून मृतदेह उत्तरीय तपासणीसाठी उपजिल्हा रुग्णालयात पाठविला. आजोबाची तीन एक शेती करून तो शिक्षण घेत होता. याप्रकरणी पोलिसांनी अकस्मात मृत्यूची नोंद केली असून आत्महत्येचे कारण कळू शकले नाही.
विद्यार्थ्यांची आत्महत्या
Join us on social media
|
|
|
 |
जाहिरात
Copyright © 2026.