यवतमाळ, दि. १५ – जनरल नॉलेजची परीक्षा देण्यासाठी आलेल्या विद्यार्थ्याला पाच जणांनी मारहाण केल्याची घटना आज रविवारी शेंबाळपिंप्रीत येथे घडली. या घटनेने गावामध्ये तणावाचे वातावरण निर्माण झाले असून दंगल नियंत्रण पथकाला पाचारण केले आहे.
संतोष ज्ञानबा कुलापे (२०) असे जखमी विद्यार्थ्याचे नाव आहे. आज येथील एका संगणक संस्थेकडून जनरल नॉलेजची रविवारी परीक्षा घेण्यात आली. सदर परीक्षा देण्यासाठी गेलेल्या संतोष सोबत हॉल तिकीट देण्याच्या कारणावरून पाच ते सहा जणांनी वाद केला. त्यानंतर मारहाण करून संतोषला गंभीर जखमी केले. त्याच्यावर पुसद येथील रुग्णालयात उपचार सुरू आहे. या घटनेने गावात तणावाचे वातावरण निर्माण झाले आहे. त्यामुळे कुठलाही अनुचित प्रकार घडू नये म्हणून दंगल नियंत्रण पथक, पुसद शहर व ग्रामीण आणि खंडाळा येथील पोलीस ठाण मांडून बसले आहे. यावेळी पुसद येथील उपविभागीय पोलीस अधिकारी डॉ. अश्विनी पाटील यांनी भेट देऊन पाहणी केली.
विद्यार्थ्याला मारहाण,शेंबाळपिंप्रीत तणाव
Join us on social media
|
|
|
 |
जाहिरात
Copyright © 2026.