दिग्रस, दि. ३ – विहीरीवर पाणी भरण्यासाठी गेलेल्या युवतीचा विहीरीत पडून मृत्यू झाल्याची घटना रामगाव (डोर्ली) येथे ३ एप्रिल रोजी सकाळी ८.१५ वाजता घडली.
किरण शंकर आडे (१८) असे मृतक युवतीचे नाव आहे. घराजवळील ग्रामपंचायतच्या विहिरीवर पाणी भरण्यासाठी गेली होती. अशातच पाय घसरून विहिरीत पडल्याने तीचा मृत्यू झाला. मृतक युवतीचे आई-वडिल हे मजुरीचे कामाकरिता मुंबई येथे गेलेले आहे. या घटनेची माहिती मिळताच पोलिसांनी घटनास्थळ गाठून पंचनामा करून मृतदेह बाहेर काढला. सदर मृतदेह उत्तरीय तपासणीसाठी ग्रामीण रुग्णालयात पाठविले. याप्रकरणी आजोबा उत्तम आडे यांनी दिलेल्या तक्रारीवरून पोलिसांनी अकस्मात मृत्यूची नोंद केली आहे. या घटनेने गावात हळहळ व्यक्त होत आहे.
Copyright © 2026.