यवतमाळ, दि. ४ – वीजेचे देयक भरणाºया शेतकºयावर चक्क अतिरीक्त वीज वापरल्याचे कारण समोर करून चोरीच्या कलमा लावत शेतकºयाचा मानसिक छळ केला आहे. या छळाला कंटाळून एका शेतकºयाचा मृत्यू झाला आहे. असा आरोप मृतक शेतकºयाच्या मुलाने ४ मे रोजी आयोजित पत्रकार परीषदेत केली.
अमरलाल मनिहार (८२) रा. चिमणाबागापूर ता. बाभुळगाव असे मृतकाचे नाव आहे. ते चिमणाबागापूर येथे गेल्या ४० वर्षापासून ओलिताची शेती करीत होते. दरम्यान सप्टेंबरमध्ये शेतातील डीपी बंद पडल्याने पिकांना पाणी द्यायचे कसे या विवंचनेत ते सापडले. वीज पुरवठा पुर्ववत सुरू व्हावा म्हणून त्यांचा मुलगा अश्विनकुमारने गावात ठेवलेल्या तक्रार पुस्तिकेत तशी तक्रारही नोंदविली. मात्र त्याचा काहीही उपयोग झाला नसल्याने २० सप्टेंबरला बाभूळगाव येथील उपकार्यकारी अभियंता सुरेश झाडे व सहाय्यक अभियंता संजय कांबळे यांच्या विरोधात यवतमाळातील अधिक्षक अभियंत्यानाही निवेदन दिले. त्यांनीही दखल न घेतली नाही असा आरोपही केला आहे. पर्यायाने आपण ग्राहक न्यायालयात धाव घेतली होती. न्यायालयाने नोटीस देताच वितरणने ट्रान्सफॉर्मर बदलवून दिले. निवाड्यात वितरण कंपनीला सदोष सेवे पोटी दंड थोटावण्यात आल्याचे यावेळी त्यांनी सांगितले. याच कारवाईने भडक लेल्या वितरणच्या अधिकाºयांनी थांगपत्ता लागू न देता आमच्या शेतात सदोष मीटर लावले. एवढ्यावरच न थांबता खोटे पंच उभे करून मंजूर विद्यूत मागणीपेक्षा माझ्या शेतातील पंपासाठी जास्त विद्यूत भार घेतल्या जात असल्याचा बनावट अहवालही तयार केला. याच अहवालाच्या आधारे तब्बल एक लाख एक हजार ७२० रुपयांचे वीज देयक देण्यात आले. त्याच बरोबर त्याच पत्रामध्ये वीज चोरी असा उल्लेख करून मानहानी करण्याचा प्रतापही वितरणच्या अधिकाºयांनी केल्याचे अश्विनकुमार यांनी सांगितले. त्यामुळे आमची सत्यता पटविण्यासाठी २० जानेवारीला वितरणच्या वरीष्ठ अधिकाºयांकडे जाऊन लावलेला दंड रद्द करावा, असे निवेदन दिले. संबधित अधिकाºयाने तो अर्जही मान्य केला. मात्र ६ एप्रिल २०१५ रोजी फायनल असेसमेंट म्हणून वीज देयक कमी करून पुन्हा ६१ हजार ३८७ रुपये दंडाची मागणी करण्यात आली. त्यामुळे एकट्यावरच सुडबुद्घीने कारवाई झाल्याने व्यथीत झालेल्या माझ्या वडीलांना मोठा मानसिक धक्का बसला. वितरणने वेळीच तक्र ारीची दखल घेत कारवाई केली असती तर माझ्या वडीलाचा जीव वाचला असता, असा आर्तस्वरही शेतकरी पुत्राने यावेळी काढला. यावेळी पत्रपरिषदेला राजु निवल, प्रशांत दर्यापूरकर आदी उपस्थित होते.