माहूर, दि. १९ – वृद्घाला वाचविण्याच्या प्रयत्नात दुचाकीस्वार ठार झाल्याची घटना आज गुरुवारी सकाळी १० वाजताच्या सुमारास उपविभागीय कार्यालयासमोर घडली. संजय फकीरा वंजारे (३५) रा. आष्टा असे मृतकाचे नाव आहे. ते एम. एच. २६ एस-४३५२ क्रमांकाच्या दुचाकीने माहूरकडे येत असताना, उपविभागीय कार्यालयानजीक त्यांच्या दुचाकीसमोर देवराव महादू तायडे (६८) रा. मालवाडा हा इसम आला. यावेळी त्याला वाचविण्याच्या प्रयत्नात दुचाकी दुभाजकावर आदळली. यामध्ये गंभीर जखमी झालेल्या वंजारे यांना ग्रामीण रुग्णालयात भरती केले. उपचारादरम्यान त्यांचा मृत्यू झाला असून, वृद्घ किरकोळ जखमी झाला आहे. याबाबत माहूर पोलीस स्टेशनला तक्रार नोंदविण्यात आली असून, अधिक तपास पोलीस करीत आहे.
Copyright © 2026.