यवतमाळ – नेर तालुक्यातील पांढरी येथील सुन व मुलानेच वयोवृध्द मातेला घराबाहेर हकलुन दिल्याची घटना शुक्रवारी मध्यरात्री घडली. या प्रकरणी पोलिसांनी मुलासह सुनेवर गुन्हा दाखल केला आहे.
तालुक्यातील पांढरी येथे वयोवृध्द महिला सावित्री हरिभाऊ धवने (७०) ही एकटीच राहते. तीचा मुलगा श्रीराम हरिभाऊ धवने (२५) व सुन रंजना श्रीराम धवने (२३) हे नादगाव (खंडेश्वर) तालुक्यातील शिवणी रामपूर येथे वास्तव्यास आहे. दरम्यान काल २६ डिसेंबर रोजी धवने दाम्पत्य पांढरी येथे आले होते. त्यानी रात्री १२ वाजता राहते घर आम्हाला दे अशी मागणी करून वाद करून वयोवृध्द मातेला मारहाण करून जिवे मारण्याची धमकी दिली. त्यानंतर घरातून हाकलून दिले. आपल्या पुत्राचे हे निंदनिय कृत्य बघून तीने घराच्या आडोश्याला थंडीत कुडकूडत रात्र काढली. आज शनिवारी पोलीस स्टेशन गाठून आपल्या पुत्र व सुनेची तक्रार केली. सदर मुलगा सध्या शिवणी येथे राहत असून घरावर ताबा मिळविण्यासाठी आईलाच मारहाण केली व घराबाहेर हाकलून लावण्याचा प्रयत्न केला असे नमुद केले आहे. या प्रकरणी श्रीराम व रंजना याच्याविरूद्घ भादंवि ३२३, ५०४, ५०६ गुन्हा दाखल केला.