यवतमाळ – पूर्ववैमनस्यातून येथील शिवसेनेच्या उपतालुका प्रमुखांचा भरचौकात निघृण खून केला. आज सायंकाळी उमरसºयातील तीन फोटो जवळ घटलेल्या या हत्याकांडाने शहरात प्रचंड खळबळ उडाली आहे.
रामनारायण उर्फ दादु इंद्रजीत मिश्रा (४०) रा. उमरसरा असे मृतकाचे नाव असून ते शिवसेनेचे उपतालुका प्रमुख होते. आज सायंकाळी अज्ञात व्यक्तीने दादुच्या भ्रमणध्वनीवर संपर्क साधून उमरसरा येथील तीन फोटो चौकात त्याला बोलावले होते. त्यावरुन तो आपल्या दुचाकीने घटनास्थळी आला होता. यावेळी दुचाकीने आलेल्या दोन अज्ञात मारेकºयानी तलवारीने दादुच्या डोक्यावर सपासप घाव मारले. यामध्ये दादु रक्ताच्या थारोळ््यात जमीनीवर कोसळला. काही कळायच्या आतच मारेकरी तेथून पसार झाले. ही बाब लक्षात येताच नागरिकांनी आॅटोत टाकुन त्याला कै. वसंतराव नाईक महाविद्यालय व रुग्णालयात उपचारार्थ दाखल केले. डॉक्टरांनी शर्तीचे प्रयत्न करुनही दादुचे प्राण वाचविता आले नाही. या घटनेची माहिती मिळताच आ. संजय राठोड यांनी रुग्णालयात भेट देऊन पाहणी केली.
दादु मिश्रा यांनी उमरसरा ग्रामपंचात अंतर्गत सुरु असलेल्या रस्त्याच्या कामाची वरिष्ठाकडे तक्रार केली होती. तेव्हापासून त्याना जीवे मारण्याच्या धमक्याही येत असल्याची माहिती असून त्यातूनच विठ्ठल नामक व्यक्तीने हा हल्ला केला असावा अशी चर्चा आहे. यावेळी शिवसैनिकांनीही घटनास्थळ व रुग्णालयात गर्दी केली होती. या घटनेची माहिती मिळताच चार्ली कमांडो पथक, वडगाव रोड पोलिस, टोळी विरोधी पथक, उपविभागीय अधिकाºयांच्या पथकाने घटनास्थळ गाठून पाहणी केली. हा खून कोणी व का केला हे अजुनही उघड झाले नसुन पोलिस मारेकºयांच्या शोधात रवाना झाले आहे.