नवी मुंबई- नवी मुंबईत वाशी येथील मॅफ्को मार्केटमधील शीतगृहात वायूगळती झाल्यामुळे २० जणांना बाधा झाली. त्यापैकी दोघांची प्रकृती अत्यव्यस्थ आहे. त्यांच्यावर नवीमुंबई महापालिका रुग्णालयातील अतिदक्षता विभागात उपचार सुरु आहेत. वाशी येथील सेक्टर १८ मधील हिरावती कोल्ड स्टोरेजमध्ये रविवारी रात्री साडेअकराच्या सुमारास अमोनिया वायूची गळती झाली. येथे माशांवर प्रक्रिया केली जाते. वायूगळती झाल्याने येथील २० कर्मचा-यांना त्रास जाणवू लागला. त्यांना तातडीने रुग्णालयात हलवण्यात आले. यापैकी १८ जणांना प्राथमिक उपचार करुन घरी सोडण्यात आले. मात्र दोन जणांची प्रकृती अत्यव्यस्थ असल्याने त्यांना अतिदक्षता विभागात ठेवले आहे.
Join us on social media
|
|
|
 |
जाहिरात
Copyright © 2026.