यवतमाळ , दि. १२ ( प्रतिनिधी)- यवतमाळ जिल्हा परिषद कर्मचारी सहकारी पतसंस्थेचे सुवर्ण महोत्सवी वर्षाला १७ डिसेंबर पासून सुरूवात होणार आहे. त्यानिमित्य विविध कार्यक्रमाचे आयोजन केले असून आत्महत्याग्रस्त शेतकरी विधवांना आर्थिक मदत करणार असल्याची माहीती पतसंस्थेचे अध्यक्ष राजूदास जाधव यांनी आयोजित पत्रकार परिषदेत दिली.
१७ डिसेंबर ते २३ डिसेंबर या कालावधीत सुवर्ण महोत्सवी वर्ष सांगता सप्ताहाचे आयोजन करण्यात आले. सामाजिक जाणीवेचा भाग म्हणून विधवांना पाच   हजार रुपये व साडी-चोळी देऊन मदतीचा हात देण्याचा निर्णय संचालक मंडळाने घेतला आहे. १७ डिसेंबर रोजी पंचायत समितीत प्रभारी सीईओ शरद कुळकर्णी यांच्या हस्ते वृक्षारोपन होणार आहे. १८ डिसेंबर रोजी पतसंस्था कर्मचाºयांचा गौरव करण्यात येणार आहे. १९ डिसेंबरला आर्णी तालुक्यातील उमरी पठाण येथील वृध्दाश्रमात वृध्दांना मदत करण्यात येणार आहे. २० डिसेंबर रोजी सहकार भवन वडगाव येथे हृदयरोग व मधूमेह तपासणी शिबीराचे आयोजन केले आहे. तसेच हास्यसम्राट टिव्ही स्टार डॉ. मिर्झा रफी अहमद बेग यांचा ‘मिर्झा एक्सप्रेस’ हा कार्यक्रम होणार आहे. तर २१ डिसेंबर रोजी आ. मनोहर नाईक यांचे अध्यक्षतेखाली महसूल राज्यमंत्री संजय राठोड यांच्या हस्ते या मदतीचे वाटप करण्यात येणार आहे. यावेळी आ. माणिकराव ठाकरे, आ. हरीभाऊ राठोड, आ. संदीप बाजोरीया, आ. मदन येरावार, आ. ख्वाजा बेग, आ. अशोक उईके, आ. राजू तोडसाम, आ. संजीवरेड्डी बोदकुरवार, आ. राजेंद्र नजरधने, जि.प.अध्यक्ष डॉ. आरती फुफाटे यांना निमंत्रित करण्यात आल्याचे राजूदास जाधव यांनी सांगितले. २२ डिसेंबर रोजी नेत्ररोग तपासणी शिबीर होणार आहे. २३ डिसेंबर रोजी सुवर्ण महोत्सवी वर्षाचा समारोप व सहकार मेळावा होणार आहे. या कार्यक्रमाचे अध्यक्षस्थानी जिल्हा मध्यवर्ती सहकारी बँकेचे अध्यक्ष मनिष पाटील राहणार आहे. प्रमुख पाहुणे म्हणून जिल्हा उपनिबंधक जितेंद्र कंडारे, जिल्हा परिषद उपाध्यक्ष बाळासाहेब मांगूळकर, शिक्षण सभापती नरेंद्र ठाकरे, बांधकाम सभापती सुभाष ठोकळ, समाज कल्याण सभापती लता खांदवे, महीला व बालकल्याण  सभापती विमल चव्हाण उपस्थित राहणार आहे. याकार्यक्रमाला नागरिकांनी उपस्थित राहावे असे आवाहन राजूदास जाधव यांनी केले. यावेळी उपाध्यक्ष पवन आत्राम, सचिव राजेंद्र राऊत, राजेंद्र पिंपळशेंडे, शरद घारोड, संजय गावंडे, नंदेश चव्हाण उपस्थित होते.