लखनऊ – उत्तरप्रदेश मधील भाजपचे उमेदवार आणि मुबंईचे माजी पोलीस आयुक्त सत्यपाल सिंग यांच्या ताफ्यावर आज हल्ला करण्यात आला. अज्ञात हल्लेखोरांनी बागपत लोकसभा मतदारसंघातील मलकापूर या गावी त्यांचावर हल्ला केला. सत्यापाल यांच्या ताफ्यातील एका कारची काच तोडण्यात आली. यामध्ये दोघेजण जखमी झाले. सुदैवाने सत्यपाल सिंग यांना कोणतीही दुखापत झालेली नाही. जेव्हा सत्यपाल सिंग हे बोगस मतदान करणाऱ्या आरोपींची चौकशी करण्यासाठी जात होते त्यावेळेस त्यांच्यावर हल्ला झाला. जिल्ह्यातील अधिकाऱ्यांनी सांगितले की, सध्या परिस्थिती नियंत्रणात असून भाजपचे उमेदवार सुरक्षित स्थळी रवाना झाले आहेत. नागरी उड्डाण मंत्री आणि राष्ट्रीय लोक दलाचे प्रमुख अजित सिंग हे तेथील खासदार आहेत. यंदा पुन्हा एकदा तेच निवडणुकिच्या रिंगणात उतरले आहेत. या हल्ल्यामागे नक्की कोणाचा हात आहे याचा अधिक तपास करण्यात येत आहे.
सत्यपाल सिंगांच्या ताफ्यावर हल्ला
Join us on social media
|
|
|
 |
जाहिरात
Copyright © 2026.