
सातारा- पुणे- सातारा रोडवर शिरवळ एम. आय. डी. सी. मधील एका केमिकल कंपनीला गुरुवारी मध्यरात्री भीषण आग लागली.आग विझविण्यासाठी अग्निशमन दलाच्या १० गाड्या शर्थीचे प्रयत्न करीत असून अद्यापही आगीवर नियंत्रण मिळविण्यात आलेले नाही.या दुर्घटनेत कोणतीही जीवितहानी झालेली नाही. मात्र या आगीत लाखो रुपयांचे नुकसान झाल्याचा प्राथमिक अंदाज आहे. आगीचे नेमके कारण अद्याप समजू शकले नाही. कंपनीमधील केमिकलचा पिंप फुटल्याने ही आग लागली असल्याचा अंदाज वर्तवण्यात येत आहे.









