बीजिंग -भारताची स्टार बँडमिंटनपटू सायना नेहवालने चायना ओपनचे जेतेपद पटकावून चीनमध्ये तिरंगा फडकवला. अंतिम सामन्यात सायनाने जपानच्या अकाने यामगुचीला पराभूत केले. सायनाने आपल्या आजवरच्या कारकिर्दित पहिल्यांदाच चायना ओपनचे जेतेपद पटकावले आहे.
चायना ओपनच्या अंतिम सामन्यात सायनाने जपानच्या अकाने यामागुचीवर २१-१२, २२-१० असा विजय मिळविला. पहिला सेट सायनाने सहज खिशात टाकाला. मात्र दुसऱ्या सेटमध्ये यामागुचीने तिला कडवी झुंज दिली. दुसरा आणि अंतिम सेटमध्ये विजय मिळविण्यासाठी यामागुचीने सायनाला चांगलेच तंगवले. मात्र आपल्या अनभुवाच्या जोरावर सायनाने यामागुचीला ‘स्मॅश’ देत विजयश्री खेचून आणली.
या हंगामातील सायनाचे हे तिसरे विजतेपद असून चायना ओपनचे पहिलेच विजेतेपद आहे. दुखापतीमुळे सायनाला अनेक स्पर्धांमधून माघार घ्यावी लागली होती. मात्र दुखापतींवर मात करीत सायनाने पुन्हा एकदा झोकात पुनरागमन केले आहे.
चायना ओपन पुरुष एकेरीत के. श्रीकांतनेही पटाकवले जेतेपद
सानिया नेहवाल पाठोपाठ भारताच्या के. श्रीकांतनेही पुरुष एकेरीमध्ये चायना ओपनचे जेतेपद पटकावले. या दोन्ही विजयामुळे चीनमध्ये भारतीय खेळाडूंचेच वचर्स्व दिसून आले. के. श्रीकांतने चीनच्या लीन डॅनवर मात करीत जेतेपदाला गवसणी घातली. उपांत्य सामन्यात श्रीकांतने जर्मनीच्या मार्क जेबलरला पराभूत करुन अंतिम सामन्यातील विजयाच्या आशा उंचवल्या होत्या.