भोपाळच्या युवकाचे आत्महत्या प्रकरण
यवतमाळ – येथील हॉटेल रामायणमध्ये भोपाळ येथील एका युवकाने पिस्टलमधून  गोळी झाडून आत्महत्या केली.  या युवकाचा खून केल्याचा आरोप त्याच्या नातेवाईकांनी केला आहे. या घटनेच्या दिवसापासून तीन दिवसाचे सिसीटीव्ही चित्रीकरण तपासणा असून आज हॉटेलचे मालक व नोकराचे बयाण नोंदविले.
धर्मेंद्र हरी उजवणे (३३) रा. कोटरा सुलतानाबाद भोपाल या युवकाने ७ फेबु्रवारी रोजी सकाळी ९.३० वाजता त्याने दत्त चौकातील हॉटेल रामायनमध्ये चौथ्या माळयावरील ४०६ क्रमांकाची रुम बुक केली होती. धर्मेद्रने आत्महत्या केल्याचे दुसºया दिवशी उघडकीस आले असून त्याने आत्महत्या का केली याबाबतच विविध चर्चेला उधान आले होते. अशातच कुटुंबीय व नातेवाईकाने धर्मेद्रची आत्महत्या केली असा आरोप केला. शहरातील एका युवतीसोबत प्रेम होते, त्यातूनच तीच्या वडील व भावाने त्याचा खून केल्याचे नातेवाईकांचे म्हणने आहे. या प्रकरणी वडगाव रोड पोलिसांनी अकस्मात मृत्यूची नोंद केली असून  कसुन चौकशी सुरु केली आहे. पोलिसांनी आज सोमवारी हॉटेलचे मालक व नोकराचे बयाण नोंदविले. तसेच घटनेच्या एक दिवस अगोदरपासून तीन दिवसाचे सिसीटीव्ही चित्रीकरण तपासणार आहे. त्यावरून हॉटेलमध्ये आलेल्या प्रत्येक व्यक्तीच्या संशयास्पद हालचाली तपासणार असून त्यावरून या घटनेचे सत्य बाहेर येणार आहे.